Хитой 2020 йилгача қайта тикланадиган энергия манбаларига 2,5 триллион юань (361 миллиард доллар) инвестиция киритади, дея хабар бермоқда Reuters ХХР Энергетика ишлари бўйича давлат бошқармасига таяниб.
Режанинг амалга оширилиши энергетика секторида 13 миллионта иш ўрнини яратиш имконини беради. Дастурдан кўзланган мақсад — 2020 йилгача электр энергияси ишлаб чиқаришнинг умумий ҳажмида қайта тикланадиган манбалар улушини 15 фоизгача етказиш, бу 580 миллион тонна кўмирга тенг демакдир.
Барча қайта тикланадиган манбалар, шу жумладан, атом ва гидро электр станциялари ҳиссасига уч йилдан сўнг ишлаб чиқарилаётган электр энергиясининг ярми тўғри келиши режалаштирилмоқда.
Изоҳ (0)