Индонезия бугун, 4 январь куни Австралия билан икки мамлакат мудофаа вазирликлари ўртасидаги ҳамкорликни тўхтатди, дея хабар бермоқда «ТАСС» Индонезия мудофаа вазирлиги расмий вакилига таяниб.
У қабул қилинган қарорни «ҳар қандай икки томонлама ҳарбий ҳамкорлик учун хос бўлган юксалишлар ва тушкунликлар келтириб чиқарган техник сабаблар» билан изоҳлади.
Шу билан бир вақтда, Австралия телекомпанияси Индонезия ОАВлари маълумотларини келтирмоқда, уларга кўра, ҳамкорликнинг тўхтатилиши аслида Жакартанинг Пертдаги Австралия ҳарбий базасида юз берган ҳодисага қаршилиги белгисидир.
У ерда машғулотлар ўтказган Индонезия махсус топшириқли бўлинмалари аскарлари ушбу базада Панча Сила — «адолат ва гуллаб-яшнаш» жамиятини барпо этишнинг Индонезия моделининг бешта тамойилига нисбатан ҳақоратли мазмунга эга материалларни кўриб, ғазабланган эди.
Австралия мудофаа вазирлиги бу мавзуда изоҳ берганича йўқ.
Изоҳ (0)