Филиппин жанубида жойлашган Котабато провинциясидаги қамоқхонага қуролли ҳужум уюштирилиши натижасида камида 150 нафар маҳбус қочиб кетди, деб ёзади Reuters.
Маҳаллий вақт билан 4 январь куни 01:10 атрофида муассасага қуролли номаълум кимсалардан иборат гуруҳ ҳужум қилди, улар экстремистларга алоқадорлиги тахмин этилмоқда.
Босқинчилар соқчиларга қарата ўт очди, натижада ходимлардан бири ҳалок бўлди, бошқаси яраланди.
Турма бошлиғи Петер Бонгатнинг сўзларига кўра, ҳужум яхши режалаштирилган бўлган: бинодан чиқиб кетиш учун маҳбуслар кўрпалардан фойдаланган.
Унинг қўшимча қилишича, айни пайтда қочоқлар қидирилмоқда, шунингдек, улар орасида ўта хавфли жиноятчилар бор-йўқлиги аниқланмоқда. Қочишга қадар турмада 1511 нафар маҳбус сақланган.
Изоҳ (0)