АҚШнинг сайланган президенти Дональд Трамп Гуантанамодаги қамоқхонадан маҳбусларни озодликка чиқариш керак эмас, деб ҳисоблайди. Бу ҳақда унинг Twitter’ига таяниб, «Интерфакс» хабар берди.
«Гуантанамодан бошқа ҳеч кимни озод қилиш керак эмас. Улар жуда хавфли одамлар ва уларнинг жанг майдонига қайтишига йўл қўйилмаслиги керак», — деб ёзди у.
Гуантанамодаги қамоқхона — АҚШ ҳукумати томонидан турли жиноятларда, жумладан, терроризм, душман томонида туриб уруш олиб боришда айбланаётган шахслар учун лагерь. Турма АҚШ томонидан ҳеч қандай муддатсиз ижарага олинган Гуантанамо (Куба) кўрфазидаги ҳарбий-денгиз базаси ҳудудида жойлашган.
Изоҳ (0)