Filippin janubida joylashgan Kotabato provinsiyasidagi qamoqxonaga qurolli hujum uyushtirilishi natijasida kamida 150 nafar mahbus qochib ketdi, deb yozadi Reuters.
Mahalliy vaqt bilan 4-yanvar kuni 01:10 atrofida muassasaga qurolli noma’lum kimsalardan iborat guruh hujum qildi, ular ekstremistlarga aloqadorligi taxmin etilmoqda.
Bosqinchilar soqchilarga qarata o‘t ochdi, natijada xodimlardan biri halok bo‘ldi, boshqasi yaralandi.
Turma boshlig‘i Peter Bongatning so‘zlariga ko‘ra, hujum yaxshi rejalashtirilgan bo‘lgan: binodan chiqib ketish uchun mahbuslar ko‘rpalardan foydalangan.
Uning qo‘shimcha qilishicha, ayni paytda qochoqlar qidirilmoqda, shuningdek, ular orasida o‘ta xavfli jinoyatchilar bor-yo‘qligi aniqlanmoqda. Qochishga qadar turmada 1511 nafar mahbus saqlangan.
Izoh (0)