Франция президенти Франсуа Олланд Ироққа ташрифи доирасида Мосулнинг жанглар бўлаётган ҳудудида бўлди, дея хабар бермоқда «Корреспондент.net» Елисей саройининг Twitter’даги аккаунтига таяниб.
Таъкидланишича, Олланд ва Ироқ Курдистони раҳбари Масуд Барзонийга фронт чизиқлари харитасини кўрсатишган.
Матбуот анжумани чоғида Франция президенти Ироқ қўшинлари бир неча ҳафта мобайнида Мосулни ИШИД жангариларидан озод қилишини айтди.
«ИШИД чекинмоқда, шу сабабли халқаро ҳамжамият Ироқ армиясини қўллаб-қувватлашни кучайтириши керак», — деди Олланд.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)