Наманганда «Ўзбекистон фахрийларни ижтимоий қўллаб-қувватлаш ‘Нуроний’ жамғармаси фаолиятини янада такомиллаштириш чора-тадбирлари тўғрисида»ги Президент Фармони доирасида жамғарма вилоят бўлими биносини қуришга киришилди. Бу ҳақда «Namnews.uz» хабар бермоқда.
2 январь, душанба куни Бобур номли маданият ва истироҳат боғига нуронийлар, жамоатчилик вакиллари тўпланди. Маъмурий бино қурилиши учун қозиқ қоқилди ва қурилиш ишларига фотиҳа берилди. Бино қисқа муддатда қуриб битказилиши билдирилмоқда.
Тадбирда вилоят ҳокими Хайрулло Бозаров, «Нуроний» жамғармаси вилоят бўлими раиси Икромхон Нажмиддинов, Ўзбекистон мусулмонлар идорасининг Наманган вилоятидаги вакили Абдулҳай Турсунов сўзга чиқиб, нуронийларга мамлакат миқёсида эътибор ва иззат-икром кўрсатилаётганини таъкидлади.
Эслатиб ўтамиз, олдинроқ вилоятнинг ҳар бир туманида «Нуронийлар боғи» барпо этилиши маълум қилинганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)