Комронбек Боқимирзаев Наманган шаҳридаги «Истиқбол замон болалари» хусусий мактабининг 3-синф ўқувчиси. Эндигина 9 ёшга қадам қўйган йигитчанинг ўзига хос иқтидори халқаро миқёсда эътироф этилди. Бу ҳақда «Namnews.uz» хабар бермоқда.
Комронбек математика фани бўйича хусусий мактаб ўқувчилари ўртасида интернет орқали Болгарияда ўтказилган халқаро олимпиаданинг кузги босқичида 1-ўринни эгаллаганди.
Янги йил байрами арафасида Матлуба Мадаминова раҳбарлик қилаётган хусусий мактабда тантанали йиғилиш бўлиб ўтди. Унда Комронбек Боқимирзаев ва унинг синф раҳбари Марина Кримлёва алоҳида олқишланди. Комронбекка халқаро олимпиада қўмитасининг олтин медали ва сертификати тантанали топширилди.
Эндиги эътибор 13 январда Сингапурда ўтказилиши режалаштирилган қишки олимпиадага қаратилган. Комронбек рус ва инглиз тилларини пухта ўзлаштирганлиги олимпиада синовларидан муваффақиятли ўтишида муҳим омил бўлаётгани билдирилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)