Энергетиклар «Восточний» космодроми қурилиши билан шуғуланнадиган «Дальспецстрой» компаниясига электр энергияси етказиб берувчилар олдидаги миллионлаб рубллик қарзлари учун электрни ўчириб қўйиш билан таҳдид қилди, деб ёзади TJournal.
Бугунги кунгача «Дальспецстрой» электр энергияси учун 17 миллион рубль қарз бўлиб қолган.
«Истеъмолчи томонидан муаммоли вазиятни ечиш учун чоралар кўрилмаётгани учун, ‘ДЭК’ (Узоқ Шарқ энергетика компанияси) 2017 йил 9 январда чеклов санкцияларини кучайтиришни режалаштирди, улар космодром қурилиши объектларига тегишли бўлиши мумкин», — дея маълум қилди «Амурэнергосбит» компанияси матбуот хизмати.
Улар 15 декабрдаёқ қурувчини электр энергияси етказиб беришни чеклаши ҳақида огоҳлантирган, аммо барибир тўлов амалга оширилмаган.
«Энергия компанияси ‘Дальспецстрой’ ва ‘Роскосмос’ раҳбарияти декабрнинг қолган кунларида ҳисоб-китобларни амалга ошириш имконини топади ва кўнгилсиз оқибатлар келиб чиқмайди, деб умид қилади», — дейилади «Амурэнергосбит» хабарида.
Изоҳ (0)