Япониядаги йирик реклама агентликларидан бири бўлган Dentsu президенти Тадаси Исии ўзини 24 ёшли ходимаси иш вақтидан ташқари кўп меҳнат қилгани сабабли жонига қасд қилганида айбдор санаб, январь ойида истеъфога чиқишини маълум қилди. Матбуот анжуманида у компания ходимасини зўриқишдан сақлаб қололмагани учун афсус билдирди ва кечирим сўради, дея хабар беради «Ведомости».
Матбуот анжуманидан аввал Япония меҳнат вазирлиги Dentsu агентлигидаги текширув натижаларини прокуратурага бергани билдирилди. Шунингдек, прокуратурага ҳалок бўлган ходиманинг бевосита раҳбарига оид ҳужжатлар ҳам топширилган.
Агентликнинг 24 ёшли ходимаси 2015 йил декабрида ўз жонига қасд қилди. Кейинроқ уни иш вақтидан ташқари меҳнат қилишга мажбурлашгани ва у ҳафтасига 40 соатлик меъёр бўлган ҳолда, ойига 105 соат ортиқча ишлагани маълум бўлди.
Эслатиб ўтамиз, Япония соғлиқни сақлаш, меҳнат ва ижтимоий кўмак вазирлиги ходимнинг кўп ишлаб ҳолдан тойиши ёки ишлаб чиқаришдаги бахтсиз ҳодиса туфайли вафот этиши билан боғлиқ биргина ҳолат ҳам исбот этилган компаниялар номи оммага эълон қилинишига ваъда берди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)