Россиянинг Ту-154 самолёти ҳалокатидан сўнг президент Владимир Путин Кремлдаги Янги йил қабули форматини ўзгартирди, дея хабар бермоқда «РБК».
«Яқинда бизда қандай фожиа юз берганини биласиз. Шу сабабли мен Янги йил шарафига ўтказиладиган анъанавий қабул маросимини ўзгартирмоқчиман, у энди ишчи характерга эга бўлади», — деди Путин.
У, шунингдек, Хавфсизлик кенгашида ўз ҳамкасблари билан «бу йил нима қилингани ва энди нима қилиш кераклиги» ҳақида муҳокама ўтказганини таъкидлади. Президентнинг сўзларига кўра, Хавфсизлик кенгашидагилар «ўтаётган йил ижтимоий-иқтисодий муаммолар ечими борасида 2015 йилга нисбатан мураккаброқ бўлди» деган фикрга келган.
25 декабрь куни тонгида Россиянинг Адлеридан Суриянинг Латакия шаҳрига учаётган Россия Мудофаа вазирлиги самолёти қулагани маълум бўлди. Ту-154 нинг бортида 92 киши, хусусан, 84 йўловчи ва экипажнинг саккиз аъзоси бўлган.
Изоҳ (0)