Япония соғлиқни сақлаш, меҳнат ва ижтимоий кўмак вазирлиги ходимнинг кўп ишлаб ҳолдан тойиш натижасида ёки ишлаб чиқаришдаги бахтсиз ҳодиса туфайли вафот этиши билан боғлиқ биргина ҳолат ҳам исбот этилган компаниялар номларини оммага эълон қилишга ваъда берди, деб ёзади «Ведомости».
Ушбу чора мамлакатдаги энг йирик Dentsu реклама агентлиги атрофидаги шов-шувга жавоб бўлди. Агентликнинг 24 ёшли ходимаси 2015 йилнинг декабрида ўз жонига қасд қилди, кейинроқ уни иш вақтидан ташқари ишлашга мажбур қилишгани ва у ҳафтасига 40 соатлик меъёр бўлган ҳолда, ойига 105 соат ортиқча ишлагани маълум бўлди. Dentsu’га қарши тергов бошланди. Япония ҳукумати агентликка нисбатан мос чоралар кўрилишига ваъда берди.
Агар компанияда бундай қонунбузарлик аниқланса, унинг раҳбарлари дастлаб вазирликка чақирилади ва меҳнат қонунчилиги ҳақида эслатилади. Сўнг компанияга инспекция жўнатилади. Агар улар ходимлар учун шароит ўзгармаганини кўрса, компаниядаги қоидабузарликлар ҳақида вазирликнинг ўзи оммага эълон қилади.
Изоҳ (0)