Россия мудофаа вазирлигининг Ту-154 самолёти ҳалокатга учраши натижасида қурбон бўлган 92 кишидан бири — Александров номли ашула ва рақс академик ансамбли раҳбари Валерий Халилов ҳақида ўтган йили Россиянинг «Культура» телеканали махсус кўрсатув тайёрлаган эди.
«Ҳаёт чизиғи» («Линия жизни») кўрсатувида Россия армияси бош дирижёри, бастакор, Россия Бастакорлар иттифоқи аъзоси, генерал-лейтенант Валерий Халилов нимага айнан ҳарбий дирижёр бўлгани, яқинларидан узоқда бўлиш қанчалик қийинлиги, дастлаб ҳарбий-мусиқа мактаби, кейинроқ консерваториянинг ҳарбий-дирижёрлик факультетидаги ўқиши, ҳарбий интизомга тўлиқ риоя қилиш ва ҳақиқий ҳарбий бўлиш ҳақида гапириб берган эди.
«Халиловга ажойиб карьера яратиш ва номи бутун дунёга машҳур бўлган ростакам мусиқачи бўлиб етишишда унинг оиласидаги анъаналар, истеъдоди ва характери ёрдам берди», — дейилади дастурда.
Термиз шаҳрида 1952 йилда туғилган дирижёр ва бастакор, генерал-лейтенант, Россия халқ артисти Валерий Халилов шу йил апрелида ансамбль бадиий раҳбари этиб тайинланганди. У «Спасс минораси» халқаро ҳарбий-мусиқий фестивали раҳбари эди.
Изоҳ (0)