Покистон молия вазирлиги аввалроқ ҳукумат 5 минг рупиялик энг йирик банкнотани муомаладан чиқариши ҳақида пайдо бўлган хабарларни рад этди, деб ёзади «ТАСС».
Вазирлик баёнотида айтилишича, муассаса бундай қарор учун заруриятни кўрмаяпти.
«5 минг рупиялик банкнотанинг муомаладан чиқарилиши тижорат фаолиятидаги ҳисоб-китоблар самарадорлигига салбий таъсир ўтказади ва одамлар учун жиддий ноқулайликлар ва хавотирлар манбасига айланади», — дейилади баёнотда.
Молия вазирлиги таъкидлашича, 5 минг рупия (47,7 доллар) унчалик йирик сумма эмас, у 100 доллар, 200 евро ёки 50 фунт стерлингдан камроқ. 2015—16 йилларда мамлакатда босиб чиқарилган банкноталарнинг 17 фоизигина беш минглик купюралар ҳиссасига тўғри келди.
Изоҳ (0)