Капрон колготкалар аёллар учун энг аҳамиятли кашфиётлардан бири эканлиги масаласида ҳеч ким баҳслашмаса керак. Улар юпқа, қулай бўлиб, совуқдан асраш вазифасини ҳам бажаради. Бироқ уларнинг камчилиги — жуда тез йиртилишидир. Қуйида колготкаларингизнинг умрини узайтириш ва пулингизни тежашга ёрдам берувчи тавсияларни эътиборингизга ҳавола этамиз.
Музлатиб қўйиш
Қанчалик ҳайратланарли бўлмасин, совуқда синалган капрон колготкалар сизга кўпроқ хизмат қилади. Уларни музхонада 6 соатга қолдиринг, шунда улар илиниб қолишга камроқ мойил бўлади.Айнан ўзингизга мос ўлчамдагисини харид қилинг
Кўпчилик аёллар яхши чўзиладиган колготкаларни бир ўлчам кичигини олиш керак деб ўйлайди. Бироқ бу хато фикрдир.Агар уларнинг таркибида эластин максимал даражада бўлса ҳам, бу уларни керагидан ортиқ чўзиш мумкинлигини англатмайди. Ўлчами кичик бўлган колготкалар одатда тезроқ йиртилади.
Соч учун лакдан фойдаланамиз
Колготка харид қилишингиз билан уларга соч учун лак билан ишлов беринг. Бир неча дақиқадан кейин лак қуриб, сезилмай қолади. Муҳими, лакни колготкадан узоқроқ ва минимал миқдорда пуркаш керак бўлади.
Тез-тез ювиб туриш
Агар колготкангиз сизга узоқ хизмат қилишини истасангиз, уларни ҳар кийганингиздан кейин ювиб туринг. Бунда кир ювиш кукуни эмас, кир совундан фойдаланиш жуда муҳим. Шунингдек, уларни ювиш учун оптимал ҳарорат 30—40 даража ҳисобланади.Сиз уларни чидамлироқ қилувчи қандай ҳийлаларни биласиз?
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)