НАТО ўзининг иттифоқдошларига нисбатан бевосита таҳдидни кўраётгани йўқ, бироқ Россия альянс чегараларида ўзини тобора тажовузкор тутмоқда. Бу ҳақда НАТО расмий вакили Оана Лунгеску маълум қилди, дея хабар беради «Интерфакс».
Альянс расмий вакили шу тариқа Россия мудофаа вазири Сергей Шойгунинг НАТО Россияни асосий хавф деб эълон қилгани ва мамлакат чегаралари яқинида ҳарбий салоҳиятини кучайтираётгани ҳақидаги баёнотига жавоб қайтарди.
«Россия қуролли кучларининг молиялаштирилиши ва модернизацияси сезиларли равишда кучаяётгани, ўн минглаб ҳарбийни жалб этган ҳолда тўсатдан амалга оширилаётган машқлар ва қўшниларга нисбатан ҳарбий кучни ишлатишга интилиш НАТОда хавотир уйғотмоқда», — дея таъкидлади Лунгеску.
Изоҳ (0)