Эргаш Шоисматов «Ўзтрансгаз» акциядорлик компанияси бошқарув раиси этиб тайинланди. Бу ҳақда компания матбуот хизмати «Дарё»га маълум қилди.
Эргаш Шоисматов «Ўзтрансгаз» раҳбари лавозимида Шукурулло Маҳмудов ўрнини эгаллади.
Маълум қилишларича, Шукурулло Маҳмудов «Марказгазтаъминот» унитар корхонаси директори этиб тайинланган.
Маълумот учун, Эргаш Шоисматов 1951 йил Ангрен шаҳрида туғилган. 1978 йил Тошкент политехника олийгоҳини якунлаган. 2014 йилнинг февраль ойидан буён Ўзбекистон энергетика ходимлари касаба уюшмаси республика кенгашининг раиси сифатида ишлаб келаётганди.
Изоҳ (0)