Ўзбекистон Республикаси ташқи ишлар вазири Абдулазиз Камилов мамлакатга амалий ташриф билан келган Қозоғистон Республикаси ташқи ишлар вазири Ерлан Идрисов билан учрашди. Бу ҳақда Ўзбекистон ТИВ матбуот хизмати хабар бермоқда.
Мулоқот чоғида олий даражадаги Ўзбекистон—Қозоғистон алоқалари давомида эришилган келишувларни амалга ошириш нуқтаи назаридан икки томонлама муносабатларни ривожлантириш масалалари муҳокама қилинди.
Учрашувда 2017—2018 йилларда БМТ Хавфсизлик кенгашининг доимий бўлмаган аъзолигига Қозоғистоннинг сайланиши ҳисобга олинган ҳолда халқаро ва минтақавий ташкилотлар доирасидаги вазирликлараро ҳамкорлик масалаларига алоҳида эътибор қаратилди.
Суҳбат давомида турли соҳалардаги Ўзбекистон—Қозоғистон мулоқотини янада чуқурлаштириш, жумладан, икки томонлама ҳамкорлик институтлари фаолиятини кучайтиришдан икки давлат ҳам бирдек манфаатдор эканлиги қайд этилди.
Муҳокама қилинган барча масалалар бўйича Ўзбекистон ва Қозоғистон позицияларининг яқинлиги ва мувофиқ эканлиги таъкидланди.
Музокараларда Қозоғистоннинг Ўзбекистондаги элчиси Ерик Утембаев иштирок этди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)