Ўзбекистон Президенти Шавкат Мирзиёев 23 декабрь куни мамлакатга ишчи ташриф билан келган Қозоғистон ташқи ишлар вазири Ерлан Идрисовни қабул қилди, дея хабар бермоқда «Газета.uz» давлат раҳбари матбуот хизматига таяниб.
Шавкат Мирзиёев Қозоғистон раҳбарияти ва халқини мамлакат мустақиллигининг 25 йиллиги билан қутлади. У мавжуд ишончли ва бой Ўзбекистон-Қозоғистон диалоги иккала мамлакат ва халқларнинг узоқ муддатли манфаатларига мувофиқ келишини таъкидлади.
Учрашувда икки мамлакат яқин қўшнилар ва вақт синовидан ўтган шериклар каби тенг даражада бир-бирининг ва умуман, Марказий Осиё минтақасининг хавфсизлиги ва барқарорлиги, бақрқарор иқтисодий ва ижтимоий тараққиёти ва гуллаб-яшнашидан манфаатдор эканлиги қайд этилди.
Шавкат Мирзиёев ва Ерлан Идрисов Ўзбекистон-Қозоғистон кун тартибидаги барча масалалар бўйича, биринчи навбатда савдо-иқтисодий, инвестициявий ва транспорт -коммуникация соҳалари борасида фикр алмашди.
Томонлар Абадий дўстлик ва стратегик шериклик тўғрисидаги давлатлараро шартнома руҳида ўзаро манфаатли ҳамкорликни янада мустаҳкамлашга интилишни тасдиқлади.
Изоҳ (0)