Ўзбекистон Президенти Шавкат Мирзиёев 23 декабрь, жума куни «Г.Мельниковага ‘Ўзбекистон Республикаси халқ артисти’ фахрий унвонини бериш тўғрисида»ги фармонни имзолади. Фармон матни ЎзА томонидан эълон қилинди.
Фармонда қайд этилишича, Галина Мельникова «Ўзбекистон миллий телерадиокомпаниясидаги кўп йиллик самарали ижодий фаолияти, дикторлик санъатини ривожлантириш, халқимизнинг маънавий салоҳиятини юксалтириш, ёш авлодни ватанпарварлик, миллий ва умуминсоний қадриятларга ҳурмат руҳида тарбиялаш ишларига қўшган муносиб ҳиссаси учун» тақдирланган.
Олий тоифали диктор Галина Мельникова 1936 йил 23 декабрь куни туғилган. «Diktor.uz»нинг ёзишича, у 1956 йилдан бери Ўзбекистон телевидениесида ишлаб келмоқда. «Ахборот» кўрсатуви, байрам концертлари, репортажлар, ҳукумат тадбирлари бошловчиси.
Бунгача «Дўстлик» ордени, Ўзбекистонда хизмат кўрсатган артист унвони, халқаро «Олтин қалам» мукофоти ва Россиянинг «Пушкин» медали билан тақдирланган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)