«Локомотив»ни Ўзбекистон чемпиони ва Кубоги соҳиби қилган ҳар бир футболчига Lacetti автомобили совға қилинди (фото)

Тошкентдаги «Ўзбекистон» меҳмонхонасида 22 декабрь, пайшанба куни Ўзбекистон чемпиони ва мамлакат Кубоги соҳиби бўлган «Локомотив» жамоасини тақдирлаш маросими бўлиб ўтди.

«Sports.uz» нашрининг маълумотига кўра, Ўзбекистон миллий чемпионатида чемпион бўлган «Локомотив» аъзолари олтин медаль билан тақдирланди. Шунингдек, «Ўзбекистон темир йўллари» АЖ томонидан клубнинг ҳар бир футболчисига Lacetti автомашинаси ҳадя қилинди.

«Локомотив» матбуот хизматининг «Дарё»га маълум қилишича, тақдирлаш маросими учун клуб ҳомийси 25 та Lacetti ҳозирлаб қўйганди. Рўйхатдан ўтган асосий таркибнинг барча — 20 нафар футболчисига, шунингдек, 3 нафар мутахассисга Lacetti калитлари топширилди. Яна 2 та автомобиль клуб юмушларида фойдаланиш учун берилди.

• «Парвоз» қилаётган мураббий ва кубокни нишонлаётган «Локомотив» (видео)

• Обид Асомов: «Локомотив»нинг Ўзбекистон Кубогини қўлга киритишида менинг ҳам ҳиссам бор

Қайд этиш жоиз, «Локомотив» Осиё Чемпионлар Лигаси–2017 турнирини гуруҳ босқичидан бошлайдиган Ўзбекистоннинг ягона жамоаси саналади. Lacetti калитларини қабул қилиб олган «темирйўлчилар» ОЧЛ–2017 нинг камида ярим финалига қадар етиб боришига ишонч билдирган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.