Toshkentdagi “O‘zbekiston” mehmonxonasida 22-dekabr, payshanba kuni O‘zbekiston chempioni va mamlakat Kubogi sohibi bo‘lgan “Lokomotiv” jamoasini taqdirlash marosimi bo‘lib o‘tdi.
“Sports.uz” nashrining ma’lumotiga ko‘ra, O‘zbekiston milliy chempionatida chempion bo‘lgan “Lokomotiv” a’zolari oltin medal bilan taqdirlandi. Shuningdek, “O‘zbekiston temir yo‘llari” AJ tomonidan klubning har bir futbolchisiga Lacetti avtomashinasi hadya qilindi.
“Lokomotiv” matbuot xizmatining “Daryo”ga ma’lum qilishicha, taqdirlash marosimi uchun klub homiysi 25 ta Lacetti hozirlab qo‘ygandi. Ro‘yxatdan o‘tgan asosiy tarkibning barcha — 20 nafar futbolchisiga, shuningdek, 3 nafar mutaxassisga Lacetti kalitlari topshirildi. Yana 2 ta avtomobil klub yumushlarida foydalanish uchun berildi.
“Parvoz” qilayotgan murabbiy va kubokni nishonlayotgan “Lokomotiv” (video)
Obid Asomov: “Lokomotiv”ning O‘zbekiston Kubogini qo‘lga kiritishida mening ham hissam bor
Qayd etish joiz, “Lokomotiv” Osiyo Chempionlar Ligasi–2017 turnirini guruh bosqichidan boshlaydigan O‘zbekistonning yagona jamoasi sanaladi. Lacetti kalitlarini qabul qilib olgan “temiryo‘lchilar” OChL–2017 ning kamida yarim finaliga qadar yetib borishiga ishonch bildirgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)