Швеция жанубидаги Роннебю шаҳрининг Кнут Хан номли мактабида рўй берган муштлашувда 100—150 нафар ўқувчи иштирок этди. Ҳодиса Рождество таътили арафасида, кузги семестрнинг охирги куни, машғулотлар якунланишига бағишланган тантанали маросимдан сўнг содир бўлди. Бу ҳақда «ТАСС» хабар бермоқда.
Воқеа жойига полициянинг бир неча патрули ва тез ёрдам машинаси етиб келди. Жабрланганлар ҳақида маълум қилинмади.
Мактаб директори Ронни Маттсонга кўра, полиция етиб келганидан ярим соат ўтиб, муштлашувни тўхтатишга муваффақ бўлинди. Унда қўшни мактаб ўқувчилари ҳам қатнашгани билдирилмоқда.
Барча ўқувчилар уйларига жўнатилди, ўқув муассасаси биноси ёпиб қўйилди. Бироқ можаро кўчаларда давом этиши хавфи туфайли шаҳарнинг марказий қисмига полиция бўлинмалари жўнатилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)