Россиянинг Иркутск вилоятида оммавий заҳарланиш жабрланганлар истеъмол қилган техник суюқликда метанол бўлгани туфайли юз берди. Бу ҳақда маҳаллий соғлиқни сақлаш вазирлиги маълум қилди, дея хабар беради «Ведомости».
Иркутск прокуратураси заҳарланиш туфайли 17 кишининг ўлганини тасдиқлади. Ҳуқуқ-тартибот идорасига кўра, қурбонларнинг барчаси «Бояришник» парфюмерия дамламасини истеъмол қилган.
Ҳозирда вилоят касалхоналарида яна 16 киши қолмоқда. Уларнинг барчаси ўта оғир ҳолатда бўлиб, айримлари комага тушган. Ҳалок бўлган ва касалхоналарга ётқизилганлар орасида ёши 35 дан 50 гача бўлган эркаклар ва аёллар бор.
Ҳодиса юзасидан жиноий иш очилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)