Ганада Mortal Kombat ва «Ўргимчак-одам» фильмларининг маҳаллий талқинлари суратга олинди. Бу — ҳақиқий даҳшат!

Ғарбий Африкада жойлашган Гана давлатида Mortal Kombat видео-ўйини воқеалари асосида бюджети жуда кичик бўлган фильм суратга олинди, дея хабар бермоқда Meduza. Мана унинг трейлери:

Ганада икки киносаноат бор: Ghallywood ва Kumawood. Ghallywood’да пул ва сифатли фильмларни суратга олиш учун керакли ускуналар бор. Унинг режиссёр ва сценарийчилари Европа ва Америка фильмларидан илҳом олади, актёрлари эса инглиз тилида гапиради.

Kumawood — ҳаваскорлик даражасидаги «қишлоқ фильмлари»дир. Уларнинг ижодкорлари ускуналар ва либослар учун етарлича пул топа олмайди, шу сабабли ҳам фильмлар жуда сифатсиз. Кўпинча бу фильмларнинг сценарийси ҳам бўлмайди — актёрлар чви тилидаги диалогларни йўл-йўлакай ўйлаб топиб кетаверади.

Кумавуд фильмлари одатда қишлоқ ҳаёти ҳақида ҳикоя қилади, бироқ баъзан машҳур фантастик фильмларнинг воқеаларини Гана қишлоқларига кўчириш ҳолатлари ҳам учраб туради. Баъзан шундай машҳур фильмларнинг бир нечтаси битта картинада аралашмага айлантирилади.

«Ўргимчак-одам»нинг ганача талқини:

«Матрица» ва «Блейд»нинг ақлбовар қилмас қоришмаси — «B14» жангари фильми, бош қаҳрамон — Скорпион исмли нинзя:

Ҳайратомуз графикали номаълум фильм:

Жанговар амазонкалар, оқ танли сайёҳлар ва қонхўр акулалар иштирокидаги «Биродар» картинаси:

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.