Япония ва Жанубий Корея ноябрь охирида тузилган ҳарбий ахборот хавфсизлиги ҳақидаги келишув (GSOMIA) доирасида илк бор КХДРнинг ракета ва ядро дастурлари бўйича разведка маълумотларини алмашди. Бу ҳақда «ТАСС» хабар бермоқда.
NHK телеканалига кўра, тегишли маълумотлар алмашинуви икки мамлакат мудофаа вазирликлари вакилларининг 12 декабрда Сеулдаги учрашуви чоғида юз берган. Эртасига улар сафига АҚШ вакиллари қўшилган.
Токио ва Сеул ўртасидаги келишув ҳарбий технологиялар, разведка оператив маълумотлари ва шифрлар тизимини ўз ичига олади. Мазкур ҳужжат икки давлатнинг Шимолий Кореяга нисбатан тийиб туриш сиёсатини юргизишда ҳамкорлигини мустаҳкамлашга қаратилган.
Бунгача томонлар тегишли маълумотлар билан АҚШ воситачилигида алмашинарди.
Изоҳ (0)