Рим папаси Франциск авлиё Пётр майдонидаги уйсизлардан 8 нафарини нонуштага таклиф этди. Католиклар пешвосининг 80 ёшга тўлиши муносабати билан Ватикандаги у яшайдиган «Авлиё Марта уйи» меҳмонхонасида Аргентинанинг анъанавий ширинликлари тортилди. Бу ҳақда Ватикан матбуот хизмати маълум қилди, дея хабар беради «ТАСС».
Шунингдек, 17 декабрь, шанба куни эҳтиёжмандлар бепул овқатлантириладиган хайрия ошхоналарида ҳам папа юбилейи шарафига ширинликлар таклиф этилди. Бу Франциск туғилган кунини бошпанасиз кишилар билан бирга нишонлаётган биринчи ҳолат эмаслиги таъкидланмоқда.
Ватикан матбуот хизматига кўра, Рим папаси юбилейи муносабати билан бутун дунёдан 50 мингта табрик олди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)