Yaponiya va Janubiy Koreya noyabr oxirida tuzilgan harbiy axborot xavfsizligi haqidagi kelishuv (GSOMIA) doirasida ilk bor KXDRning raketa va yadro dasturlari bo‘yicha razvedka ma’lumotlarini almashdi. Bu haqda “TASS” xabar bermoqda.
NHK telekanaliga ko‘ra, tegishli ma’lumotlar almashinuvi ikki mamlakat mudofaa vazirliklari vakillarining 12-dekabrda Seuldagi uchrashuvi chog‘ida yuz bergan. Ertasiga ular safiga AQSh vakillari qo‘shilgan.
Tokio va Seul o‘rtasidagi kelishuv harbiy texnologiyalar, razvedka operativ ma’lumotlari va shifrlar tizimini o‘z ichiga oladi. Mazkur hujjat ikki davlatning Shimoliy Koreyaga nisbatan tiyib turish siyosatini yurgizishda hamkorligini mustahkamlashga qaratilgan.
Bungacha tomonlar tegishli ma’lumotlar bilan AQSh vositachiligida almashinardi.
Izoh (0)