Хитой мудофаа вазирлиги АҚШ билан сув ости дронини қайтариш ҳақида музокаралар олиб бормоқда, деб ёзади «Ведомости».
«Хитой уни Америка томонига тегишли тарзда қайтариб беришга қарор қилди, Хитой ва АҚШ ушбу масала бўйича доимий равишда алоқада бўлди», — дейилади муассаса хабарида.
Мудофаа вазирлиги аниқлик киритишича, улар Жанубий Хитой денгизида «номаълум ускуна»ни топган ва кемалар қатнови учун ҳар қандай хавфлар олдини олиш мақсадида уни текшириш учун олиб кетган. Улар дрон АҚШга тегишли эканлигини билмаган.
Шу билан бир вақтда, Хитой мудофаа вазирлиги АҚШ ушбу воқеага фаоллик билан урғу бергани учун унга норозилик билдирди.
Илгарироқ Пентагон Хитойдан дронни қайтаришни талаб қилган эди. АҚШ томонининг билдиришича, Жанубий Хитой денгизи ҳудудида ХХР кемаси АҚШнинг тадқиқот кемасига яқинлашиб, дронни сувдан чиқариб олган ва олиб кетган.
Изоҳ (0)