Xitoy mudofaa vazirligi AQSh bilan suv osti dronini qaytarish haqida muzokaralar olib bormoqda, deb yozadi “Vedomosti”.
“Xitoy uni Amerika tomoniga tegishli tarzda qaytarib berishga qaror qildi, Xitoy va AQSh ushbu masala bo‘yicha doimiy ravishda aloqada bo‘ldi”, — deyiladi muassasa xabarida.
Mudofaa vazirligi aniqlik kiritishicha, ular Janubiy Xitoy dengizida “noma’lum uskuna”ni topgan va kemalar qatnovi uchun har qanday xavflar oldini olish maqsadida uni tekshirish uchun olib ketgan. Ular dron AQShga tegishli ekanligini bilmagan.
Shu bilan bir vaqtda, Xitoy mudofaa vazirligi AQSh ushbu voqeaga faollik bilan urg‘u bergani uchun unga norozilik bildirdi.
Ilgariroq Pentagon Xitoydan dronni qaytarishni talab qilgan edi. AQSh tomonining bildirishicha, Janubiy Xitoy dengizi hududida XXR kemasi AQShning tadqiqot kemasiga yaqinlashib, dronni suvdan chiqarib olgan va olib ketgan.
Izoh (0)