Футбол бўйича Англия Премьер-Лигасининг 17-тури доирасида 6 учрашув бўлиб ўтди.
Лигада карвонбоши бўлиб турган Лондоннинг «Челси» клуби мазкур турни «Кристал Пэлас» майдонида ўтказиб, Диего Костанинг ягона голи эвазига зафар қучди. Бу билан ҳужумчи мавсумдаги голлари сонини 13 тага етказиб, тўпурарлар пойгасида яна якка пешқадамга айланиб олди. Алексис Санчес ҳисобида 12 та, Златан Ибраҳимовичда эса 11 та гол бор.
«Челси» кетма-кет 11 та беллашувда зафар қучиб, 2009 йилги рекордини такрорлади. Бу билан лондонликлар таъқибчиларидан 9 очколик фарқ билан ошиб кетди. Маълумот учун, «Челси» Рождествога карвонбоши сифатида етиб келган мавсумларини кейинчалик мамлакат чемпиони сифатида якунлаган.
Мазкур турда Жозе Моуриньо бошчилик қилаётган «Манчестер Юнайтед» «Вест Бромвич» майдонида зафар қучди. 35 ёшли Златан Ибраҳимовичнинг дубл қайд этишини португалиялик мутахассис шунчаки фантастика деб атади.
Ғалаба натижасида «Юнайтед» очколари сонини «Тоттенҳэм»ники билан тенглаштириб олди. 17-турнинг қолган 4 та ўйини бугун бўлиб ўтади ва бу билан етакчи клублар очколар жамғариб олиши мумкин.
Мамлакатнинг амалдаги чемпиони ҳисобланган «Лестер»ни турнинг энг иродали жамоаси деб аташ мумкин. Жейми Варди 28-дақиқада майдондан четлатилгач, Клаудио Раньери шогирдлари 2 та гол ўтказиб юборганди. Кейинроқ эса 1 киши кам бўлишига қарамай, мувозанатни тиклашга муваффақ бўлди.
Англия Премьер-Лигаси 17-тур беллашувлари 17 декабрь, шанба
«Кристал Пэлас» — «Челси» 0:1
Гол: Диего Коста, 43 (0:1).«Вест Ҳэм» — «Халл Сити» 1:0
Гол: Марк Ноубл, 76-пен (1:0).«Мидлсбро» — «Суонси» 3:0
Голлар: Альваро Негредо, 18 (1:0). Альваро Негредо, 28-пен (2:0). Мартен де Роон, 58 (3:0).«Сандерленд» — «Уотфорд» 1:0
Гол: Патрик ван Анхолт, 49 (1:0).«Сток Сити» — «Лестер» 2:2
Голлар: Боян Кркич, 39-пен (1:0). Жо Аллен, 45 (2:0). Леонардо Ульоа, 74 (2:1). Даниель Амарти, 88 (2:2).Четлатиш: Жейми Варди, 28 (Л).«Вест Бромвич» — «Манчестер Юнайтед» 0:2
Голлар: Златан Ибраҳимович, 5 (0:1). Златан Ибраҳимович, 56 (0:2).18 декабрь, якшанба«Борнмут» — «Саутгемптон»«Манчестер Сити» — «Арсенал»«Тоттенҳэм» — «Бёрнли»«Эвертон» — «Ливерпуль»
Изоҳ (0)