Буюк Британия соғлиқни сақлаш вазирлиги ҳузуридаги Одам уруғлантирилиши ва эмбриология бўйича миллий хизмат (HFEA) клиникаларга уч ота-она ДНКсидан фойдаланиб сунъий уруғлантиришни ўтказиш учун лицензия сўраб мурожаат қилишга рухсат берди, деб ёзади Meduza.
HFEA баёнотида айтилишича, бундай қарор ушбу жараённинг хавфсизлиги юзасидан олиб борилган кўп йиллик тадқиқотлардан сўнг қабул қилинган.
Эслатиб ўтамиз, Буюк Британия парламенти ҳомилани уч ота-она ДНКсидан фойдаланган ҳолда пайдо қилиш тўғрисидаги қонун лойиҳасини 2015 йилдаёқ маъқуллаган эди.
Бунда гап она авлодидаги ҳаёт учун хавфли ирсий касалликларнинг берилиши олдини олишга қаратилган экстракорпорал уруғлантириш ва ген модификацияси ҳақида бормоқда.
«Уч ота-онанинг боласи» деб ном олган процедурани Буюк Британия дунёда биринчи бўлиб қонунийлаштирмоқда.
Изоҳ (0)