Футбол бўйича Англия Премьер-Лигасининг 16-тур беллашувларига якун ясалди. Турнинг илк кунида мамлакатнинг амалдаги чемпиони «Лестер» ва Лондоннинг «Арсенал» клублари мағлуб бўлганди.
Турнир жадвалида яккапешқадам бўлиб турган Лондоннинг бошқа бир клуби «Челси» кетма-кет 10-ғалабасини қўлга киритди. Бу эса Антонио Конте жамоасига таъқибчиларидан 6 очко илгарилаб кетиш имконини берди.
Лигада сўнгги ўринни эгаллаб турган «Сандерленд»га қарши беллашувда Сеск Фабрегас ягона голга муаллифлик қилди. Ўтган ҳафта сўнггида у Хитойда энг кўп маош олувчи футболчи бўлиш таклифига рад жавобини берганди.
Юрген Клопп бошчилик қилаётган «Ливерпуль» сафардаги йирик ғалабаси эвазига 2-ўринга кўтарилди. «Мидлсбро»га қарши учрашув Адам Лаллананинг бенефисига айланди дейиш мумкин. У 2 та гол уриб, 1 та голли узатма берди.
«Челси» ва «Лестер»дан қабул қилиб олинган кетма-кет икки мағлубиятдан кейин «Манчестер Сити» футболчилари 3 очкога эга чиқди. Сабалета ҳисобни очиб берган ўйинга мантиқий нуқтани Давид Сильва қўйиб берди.
Кристиан Эриксеннинг дубли эса «Тоттенҳэм»га йирик ғалабани тортиқ қилди. «Шпорлар» бир тур аввал «Манчестер Юнайтед» клубига имкониятни бой бериб қўйганди.
Ва ниҳоят, Жозе Моуриньо бошчилик қиладиган «Манчестер Юнайтед» Лондондан ғалаба билан қайтди. «Қизил иблислар» сафига катта шов-шув билан келган икки футболчи — Поль Погба ва Златан Ибраҳимовичнинг голлари «Юнайтед» жонига оро кирди.
Мазкур турда «Вест Бромвич» вакили Саломон Рондон 3 та гол уриб, энг яхши футболчилар қаторида эътироф этилди.
Англия Премьер-Лигаси 16-тур беллашувлари 14 декабрь, чоршанба
«Вест Ҳэм» — «Бёрнли» 1:0
Гол: Марк Ноубл, 45+3 (1:0).Ноаниқ пенальти: Марк Ноубл, 45+3 (V).«Мидлсбро» — «Ливерпуль» 0:3
Голлар: Адам Лаллана, 29 (0:1). Дивок Ориги, 60 (0:2). Адам Лаллана, 68 (0:3).«Сандерленд» — «Челси» 0:1
Гол: Сеск Фабрегас, 40 (0:1).«Вест Бромвич» — «Суонси» 3:1
Голлар: Саломон Рондон, 50 (1:0). Саломон Рондон, 61 (2:0). Саломон Рондон, 63 (3:0). Уэйн Раутлеж, 78 (3:1).«Кристал Пэлас» — «Манчестер Юнайтед» 1:2
Голлар: Поль Погба, 45+2 (0:1). Жеймс Макартур, 66 (1:1). Златан Ибраҳимович, 88 (1:2).«Манчестер Сити» — «Уотфорд» 2:0
Голлар: Пабло Сабалета, 33 (1:0). Давид Сильва, 86 (2:0).«Сток Сити» — «Саутгемптон» 0:0
Четлатиш: Марко Арнаутович, 23 (СС).«Тоттенҳэм» — «Халл Сити» 3:0
Голлар: Кристиан Эриксен, 14 (1:0). Кристиан Эриксен, 63 (2:0). Виктор Ваняма, 73 (3:0).
Изоҳ (0)