Futbol bo‘yicha Angliya Premyer-Ligasining 16-tur bellashuvlariga yakun yasaldi. Turning ilk kunida mamlakatning amaldagi chempioni “Lester” va Londonning “Arsenal” klublari mag‘lub bo‘lgandi.
Turnir jadvalida yakkapeshqadam bo‘lib turgan Londonning boshqa bir klubi “Chelsi” ketma-ket 10-g‘alabasini qo‘lga kiritdi. Bu esa Antonio Konte jamoasiga ta’qibchilaridan 6 ochko ilgarilab ketish imkonini berdi.
Ligada so‘nggi o‘rinni egallab turgan “Sanderlend”ga qarshi bellashuvda Sesk Fabregas yagona golga mualliflik qildi. O‘tgan hafta so‘nggida u Xitoyda eng ko‘p maosh oluvchi futbolchi bo‘lish taklifiga rad javobini bergandi.
Yurgen Klopp boshchilik qilayotgan “Liverpul” safardagi yirik g‘alabasi evaziga 2-o‘ringa ko‘tarildi. “Midlsbro”ga qarshi uchrashuv Adam Lallananing benefisiga aylandi deyish mumkin. U 2 ta gol urib, 1 ta golli uzatma berdi.
“Chelsi” va “Lester”dan qabul qilib olingan ketma-ket ikki mag‘lubiyatdan keyin “Manchester Siti” futbolchilari 3 ochkoga ega chiqdi. Sabaleta hisobni ochib bergan o‘yinga mantiqiy nuqtani David Silva qo‘yib berdi.
Kristian Eriksenning dubli esa “Tottenhem”ga yirik g‘alabani tortiq qildi. “Shporlar” bir tur avval “Manchester Yunayted” klubiga imkoniyatni boy berib qo‘ygandi.
Va nihoyat, Joze Mourinyo boshchilik qiladigan “Manchester Yunayted” Londondan g‘alaba bilan qaytdi. “Qizil iblislar” safiga katta shov-shuv bilan kelgan ikki futbolchi — Pol Pogba va Zlatan Ibrahimovichning gollari “Yunayted” joniga oro kirdi.
Mazkur turda “Vest Bromvich” vakili Salomon Rondon 3 ta gol urib, eng yaxshi futbolchilar qatorida e’tirof etildi.
Angliya Premyer-Ligasi 16-tur bellashuvlari 14-dekabr, chorshanba
“Vest Hem” — “Byornli” 1:0
Gol: Mark Noubl, 45+3 (1:0).Noaniq penalti: Mark Noubl, 45+3 (V).“Midlsbro” — “Liverpul” 0:3
Gollar: Adam Lallana, 29 (0:1). Divok Origi, 60 (0:2). Adam Lallana, 68 (0:3).“Sanderlend” — “Chelsi” 0:1
Gol: Sesk Fabregas, 40 (0:1).“Vest Bromvich” — “Suonsi” 3:1
Gollar: Salomon Rondon, 50 (1:0). Salomon Rondon, 61 (2:0). Salomon Rondon, 63 (3:0). Ueyn Rautlej, 78 (3:1).“Kristal Pelas” — “Manchester Yunayted” 1:2
Gollar: Pol Pogba, 45+2 (0:1). Jeyms Makartur, 66 (1:1). Zlatan Ibrahimovich, 88 (1:2).“Manchester Siti” — “Uotford” 2:0
Gollar: Pablo Sabaleta, 33 (1:0). David Silva, 86 (2:0).“Stok Siti” — “Sautgempton” 0:0
Chetlatish: Marko Arnautovich, 23 (SS).“Tottenhem” — “Xall Siti” 3:0
Gollar: Kristian Eriksen, 14 (1:0). Kristian Eriksen, 63 (2:0). Viktor Vanyama, 73 (3:0).
Izoh (0)