Аргентиналик ҳужумчи Лионель Мессининг рақами ҳамда исми туширилган полиэтилен пакетни кийиб машҳур бўлган афғонистонлик Муртазо Аҳмадий ўз кумири билан Доҳада учрашгани маълум қилинганди.
«Барселона»нинг «Ал-Аҳли»га қарши ўйини олдидан Муртазо Лионель Мессининг қўлларидан тутиб, стадионга чиқиб келди ва токи жамоалар ўйинолди расмиятчиликларни ўтказиб олгунига қадар Месси билан бўлди.
Бу вақтга келиб қолган болалар стадионни тарк этса-да, Муртазо Аҳмадий Мессидан ажралишни истамасди. Энг сўнггида учрашув ҳаками болакайни кўтариб олди ва майдондан олиб чиқди. «Барселона» футболчилари ва Месси бу ҳолатни юздаги табассум билан қарши олди.
Изоҳ (0)