Argentinalik hujumchi Lionel Messining raqami hamda ismi tushirilgan polietilen paketni kiyib mashhur bo‘lgan afg‘onistonlik Murtazo Ahmadiy o‘z kumiri bilan Dohada uchrashgani ma’lum qilingandi.
“Barselona”ning “Al-Ahli”ga qarshi o‘yini oldidan Murtazo Lionel Messining qo‘llaridan tutib, stadionga chiqib keldi va toki jamoalar o‘yinoldi rasmiyatchiliklarni o‘tkazib olguniga qadar Messi bilan bo‘ldi.
Bu vaqtga kelib qolgan bolalar stadionni tark etsa-da, Murtazo Ahmadiy Messidan ajralishni istamasdi. Eng so‘nggida uchrashuv hakami bolakayni ko‘tarib oldi va maydondan olib chiqdi. “Barselona” futbolchilari va Messi bu holatni yuzdagi tabassum bilan qarshi oldi.
Izoh (0)