Биз BB ва CC кремларига одатланишга улгурмасдан, ишлаб чиқарувчилар аллақачон DD ва EЕ кремларини ҳам ихтиро қилишди. Бу белгилар нимани англатиши, кремлардан кимлар ва қандай фойдаланиш кераклиги тўғрисида маълумот бермоқчимиз.
BB кремлар
BB шартли белгиси — beauty balm («бьюти-балзам») ёки гўзаллик малҳами маъносини билдиради.BB крем хусусиятлари:
- жуда яхши намлантирувчи,- барча турдаги терилар учун мос келувчи,- яллиғланишни қуритувчи,- юзни текисловчи,- терини қуёш нуридан ҳимояловчи.
Лекин, шунча афзалликларига қарамасдан, BB креми парваришловчи восита ўрнини боса олмайди ва шу сабабли, бу кремни маъқул кўрсангиз ҳам, юзни парвариш қилувчи косметик воситаларидан бутунлай воз кечмасликни тавсия қиламиз.
CC кремлар
Бу крем номи color control («ранг назорати») маъносини билдиради. У асосан ранг тузатиш вазифасини бажаради. Бошқа хусусиятлари:- тери қизариши олдини олувчи,- енгил тузилган,- терига мусаффо кўриниш берувчи.
CC кремлари ёғли ва муаммоли териларга мос келмайди.
DD кремлар
DD белгилари — daily defence («кундалик ҳимоя») маъносини билдиради. Бу косметик воситанинг асосий вазифаси — терини атроф-муҳитнинг емирувчи таъсиридан ҳимоя қилиш. DD кремлари айниқса, қариётган терилар учун мос келади. Унинг таркиби шаффоф тузилишга эга бўлгани учун, тонал креми ўрнини боса олмайди.EЕ кремлар
EЕ белгилари — extra exfoliation («ўта тозаловчи») маъносини билдиради.EЕ-крем хусусиятлари:
- теридаги ўлик ҳужайраларни кетказувчи,- қуёш таъсиридан ҳимояловчи,- намлантирувчи,- яллиғланишнинг олдини олувчи.
Бу кремлардан тез-тез фойдаланиш маъқул эмас, шунингдек, нозик ва таъсирчан тери соҳибларига ҳам қўллаш тавсия этилмайди.
Изоҳ (0)