Уй тозалашда йўл қўйиладиган хатолар

Энг озода уй бекалари ҳам уй тозалашда кўпинча хатоларга йўл қўяди. Бугун биз бу хатоларнинг энг кенг тарқалганларига тўхталиб ўтмоқчимиз.

Ахлат челагини тозалашни унутамиз

Ошхонада нохуш ҳидни сездингизми? Агар ҳамма жойнинг тозалигига ва чиқиндилар ўз вақтида ташланганлигига амин бўлсангиз, бунинг сабаби, анчадан бери тозаланмаган ахлат челаги бўлиши ҳам мумкин. Ахлат солинадиган идишни, ҳеч бўлмаса, бир ҳафтада бир марта ифлос жойларни тозаловчи махсус восита ёрдамида тозалаб қўйинг.

Ҳаммаси учун битта латта

Микробларнинг бир жойдан иккинчи жойга тарқалиши олдини олиш учун, ҳар бир жой учун алоҳида латталардан фойдаланинг.

Унутилган клавиатура

Клавиатурани мунтазам равишда, чанг ва бошқа нарсалардан антисептик ёрдамида тозалаб туринг.

Эшик тутқичлари ва кранларни унутамиз

Энг кўп ушланадиган жойлар бўлгани учун ҳам айнан шу ерда бактериялар кўп тўпланади. Шунинг учун, бу жойларни икки ҳафтада бир марта дезинфекцияловчи воситалар ёрдамида тозалаш зарур.

Ифлос губкадан фойдаланамиз

Уйда янги губка бўлмаса, ифлос бўлса ҳам эскисини ишлатаверамиз. Эски губкани сувга ботириб олиб, микротўлқинли печга 1—2 дақиқага қўйинг, юқори ҳароратда ҳамма микроблар йўқолади ва бемалол тозалашда давом этаверасиз.

Деразаларни қуёшли кунда тозалаймиз

Кўпчилик тозаловчи воситалар қуригандан сўнг, қуёш таъсирида ойна юзасида доғ қолдиради. Шу сабабли, дераза ойналарини булутли кунларда тозалаган маъқул.