Истанбулдаги теракт қурбонлари сони 39 кишига етди

Истанбулда «Бешиктош» футбол клуби стадиони яқинида юз берган қўш терактда яраланган яна бир киши ҳалок бўлди. Шу тариқа теракт қурбонлари 39 кишига етди. Бу ҳақда Hurriyet газетаси маълум қилди, деб ёзади «Корреспондент.net».

Яна 14 киши оғир аҳволда жонлантириш бўлимида эканлиги маълум қилинмоқда.

Ҳалок бўлганларнинг аксарияти полициячилардир. Шунингдек, яна бир нафар қурбоннинг шахси аниқланмаган.

Эслатиб ўтамиз, аввалроқ «Курдистон озодлиги қирғийлари» радикал ҳаракати расмий сайтида жойлаштирган баёнотида Истанбулда содир этилган терактлар учун жавобгар эканлигини тан олганлиги ҳақида хабар қилинган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.