Мичиган олий суди АҚШ президентлигига «Яшиллар» партиясидан собиқ номзод Жилл Стайннинг апелляциясини рад этди. У мазкур штатда давлат раҳбарлигига сайловлар бюллетенларини қайта ҳисоблашни тўхтатиш ҳақидаги суд қарорини бекор қилишни талаб этганди. Бу ҳақда «ТАСС» хабар бермоқда.
Мичиган федерал суди 5 декабрь, душанба куни Стайннинг штатда овозларни қайта ҳисоблаш бўйича сўрови юзасидан ижобий қарор қабул қилган ва шундан сўнг зудлик билан текширув бошланганди. Бироқ кейинчалик суд Стайн Мичиганда сайловчиларнинг жуда кам овозини тўплагани сабабли ушбу жараённи ўтказиш мақсадга мувофиқ эмаслигини билдириб, ўз ҳукмини бекор қилди. Шундан сўнг собиқ номзод штат олий судига мурожаат этди.
Стайн Пенсильвания ва Висконсин штатларида ҳам овозлар қайта ҳисоблаб чиқилишини талаб қилмоқда. Висконсинда суд 1 декабрь куни бошланган бюллетенларни қайта ҳисоблашни тўхтатишни рад этди. Пенсильванияда эса бу бўйича 12 декабрь, душанба куни қарор қабул қилинади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)