Саудия Арабистони харидорларни нефть етказиб бериш қисқариши ҳақида огоҳлантирмоқда

Саудия Арабистони харидорларга ОПЕК қарори муносабати билан 2017 йил январида нефть етказиб бериш қисқариши ҳақида маълум қилди. Bloomberg мамлакатнинг Aramco компанияси мижозлари тегишли билдирув олганини таъкидламоқда, дея хабар беради «ТАСС».

PIRA Energy Group манбаларига кўра, билдирувда етказиб беришнинг қисқариш ҳажми турлича бўлиши маълум қилинган. Бироқ Шимолий Америка давлатларидаги мижозларга бу кўпроқ тааллуқли бўлиши тахмин қилинмоқда.

Маълумот учун, ОПЕК 8 йил мобайнида биринчи бор нефть қазиб олиш ҳажмини суткасига 32,5 миллион баррелгача камайтириш ҳақида қарор қабул қилди. 10 декабрь куни ташкилот унга аъзо бўлмаган давлатлар билан шундай битим тузиши кутилмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.