Барак Обама мамлакат махсус хизматларига 8 ноябрда бўлиб ўтган АҚШ президентлигига сайловларда «киберҳужумлар ва хорижий аралашувлар» ҳолатларини текширишни топширди. Бу ҳақда давлат раҳбарининг ички хавфсизлик масалалари бўйича маслаҳатчиси Лиза Монако маълум қилди, дея хабар беради «РБК».
«Натижалар 2017 йил 20 январь, яъни амалдаги президент лавозимини тарк этгунга қадар тақдим этилиши лозим. Президент 2016 йилги сайлов жараёнида юз берган ҳолатларнинг барчасини тўлиқ таҳлил этиш ва бундан тегишли хулоса чиқаришни топширди», — дея таъкидлади Монако.
Маълумот учун, шу йил октябрида Барак Обама маъмурияти Россия расмийларини Демократик партияга хакерлик ҳужумлари уюштирилишига алоқадорликда айблаганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)