Бразилия прокуратураси мамлакатнинг собиқ президенти Луис Инасиу Лула да Силвага нисбатан маблағдан ноқонуний фойдаланиш, нуфузини суиистеъмол қилиш ва жиноий тил бириктирувда иштирок этиш бўйича айбловларни илгари сурди. Бу ҳақда «ТАСС» хабар бермоқда.
EFE агентлигига кўра, собиқ давлат раҳбари 2013—2015 йилларда ўзининг нуфузидан қатор кампаниялар манфаати учун фойдаланган. Жумладан, бу пайтда президент лавозимида бўлмаган Силва Бразилия ҳарбий-ҳаво кучлари учун Швециянинг 36 қирувчи самолёти харид қилиниши ва автомобиль саноатига солиқ имтиёзлари қўлланиши узайтирилишига кўмак берган.
Собиқ президентнинг ўғли Луис Клаудиу Лула да Силвага нисбатан ҳам айбловлар қўйилмоқда. Прокуратурага кўра, унга тегишли LTF Marketing Esportivo компаниясига мижозлари қирувчи самолётлар сотиб олиниши бўйича музокараларда қатнашган М&М консалтинг компанияси томонидан 2,5 миллион реал (740 минг доллар атрофида) тўлаб берилган. Мазкур маблағ эвазига ҳеч қандай хизмат кўрсатилмаган.
Маълумот учун, Луис Инасиу Лула да Силва коррупция билан боғлиқ яна уч жиноий иш бўйича айбланувчи ҳисобланади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)