Yevropa Ligasi. Guruh bosqichini muvaffaqiyatli yakunlagan 24 jamoa nomi ma’lum bo‘ldi

Yevropa futbol klublarining ikkinchi raqamli musobaqasi hisoblangan Yevropa Ligasida guruh bosqichini muvaffaqiyatli yakunlagan 24 jamoa nomi aniq bo‘ldi.

Ko‘pchilik uchun kutilmaganda Angliyaning “Sautgempton” va Italiyaning “Inter” klublari guruh bosqichidan o‘ta olmadi. Inglizlar so‘nggi turda Isroilning “Xapoel B-Sh” klubini qabul qilib, 1:1 hisobida durang o‘ynab qo‘ydi. Milanliklar esa so‘nggi turda 2:1 hisobida zafar quchsa ham, guruhni so‘nggi o‘rinda yakunladi.

Ukrainaning “Shaxtyor” klubi guruh bosqichidagi barcha — 6 ta uchrashuvda ham zafar qucha olgan yagona jamoa bo‘ldi. “Zenit” bunga qadar 5 ta uchrashuvni o‘z foydasiga hal qilgan bo‘lsa, so‘nggi turda imkoniyatni boy berib qo‘ydi.

O‘zbekiston milliy terma jamoasi sardori Odil Ahmedov harakat qiladigan “Krasnodar” so‘nggi turni Fransiyada “Nitssa”ga qarshi o‘tkazib, Mario Balotelli jamoasiga imkoniyatni boy berdi — 1:2. Shunga qaramay, navbatdagi bosqichga yo‘llanma oldi.

Yevropa Ligasining eng nomdor jamoasi bo‘lib turgan “Manchester Yunayted” Odessada “Zarya” mehmoni bo‘lib, Mxitaryan va Ibrahimovich tomonidan urilgan gollar evaziga muvaffaqiyat qozondi va guruhni 2-o‘rinda yakunladi.

Navbatdagi bosqichda Yevropa Chempionlar Ligasi guruh bosqichida 3-o‘rinni egallagan 8 ta jamoa, Yevropa Ligasida yurishini davom ettirayotgan 24 klub qatoriga qo‘shiladi.

Yevropa Chempionlar Ligasidan tushganlar

“Tottenhem” (Angliya)“Borussiya Myonxengladbax” (Germaniya)“Lion” (Fransiya)“Rostov” (Rossiya)“Beshiktosh” (Turkiya)“Legiya” (Polsha)“Kopengagen” (Daniya)“Ludogorets” (Bolgariya)

Yevropa Ligasi guruhidan chiqqanlar

“Atletik” (Ispaniya)“Vilyarreal” (Ispaniya)“Selta” (Ispaniya)“Manchester Yunayted” (Angliya)“Shalke” (Germaniya)“Roma” (Italiya)“Fiorentina” (Italiya)“Sent-Etyen” (Fransiya)“Krasnodar” (Rossiya)“Zenit” (Rossiya)“Ayaks” (Gollandiya)“AZ Alkmaar” (Gollndiya)“Anderlext” (Belgiya)“Genk” (Belgiya)“Gent” (Belgiya)“Usmonlispor” (Turkiya)“Fenerbaxche” (Turkiya)“Shaxtyor” (Ukraina)“Olimpiakos” (Gretsiya)“PAOK” (Gretsiya)“Sparta” (Chexiya)“Xapoel B-Sh” (Isroil)“Astra” (Ruminiya)“APOEL” (Kipr)