Германиялик экстремал дорбоз Александ Шульц Мексика пойтахтида хайлайн (стационар объектлар ўртасида катта баландликка ўрнатилган нейлон ёки полиэстр осма арқондан юриш спорти) бўйича янги жаҳон рекордини ўрнатди, деб ёзади «ТАСС». Спортчи Мехикодаги энг баланд бинолар оралиғига 247 метр баландликка ўрнатилган арқондан юриб ўтди.
Тажрибали «хайлайнер», ушбу йўналиш бўйича 17 та жаҳон рекордини ўрнатишга улгурган Шульц Мексикага ёрдамчилар жамоаси билан бирга етиб келди. Улар унга мамлакат пойтахтида жойлашган Торре Банкомер ва Торре Реформа осмонўпар биноларини арқон билан бирлаштиришда ёрдам берди. Унинг узунлиги 217 метрни ташкил этди. Ушбу масофани Шульц минглаб томошабинлар кўз ўнгида босиб ўтди.
«Сайр қилиш» учун у қуйишли ва шамолсиз кунни танлади. Довюраклигига қарамай, 25 ёшли экстремал эҳтиётдан ҳимоя занжиридан фойдаланишига тўғри келди, акс ҳолда Мехико ҳукумати бундай акция ўтказилишига йўл қўймаган бўларди.
Изоҳ (0)