Ханти-Манси автоном округи прокуратураси Юградаги йўл-транспорт ҳодисаси иштирокчилари сонига аниқлик киритди. Бу ҳақда «ТАСС» хабар бермоқда.
«Жами 34 киши ҳодиса иштирокчиси бўлган, улардан 12 киши ҳаётдан кўз юмди. Округ касалхонасида 19 киши қолмоқда, улардан 14 нафари болалар. Уч киши амбулатор даволанишда», — дея маълум қилди прокуратура матбуот хизмати.
4 декабрь куни округ ҳудудида, Ханти-Мансийск–Тюмень трассасининг 926-километрида автобус, юк машинаси ва икки енгил автомобиль иштирокида ЙТҲ рўй берди. Автобусда спорт акробатикаси бўйича болалар жамоаси иштирокчилари Ханти-Мансийскдан Нефтеюганскка қайтаётганди. Автоҳалокат қурбонларининг аксарияти болалар. 5 декабрь округда мотам куни деб эълон қилинди.
Изоҳ (0)