АҚШнинг сайланган президенти Дональд Трамп деярли ҳар куни разведка хизматлари ходимлари брифингларида иштирок этмоқда. Бу ҳақда янги маъмуриятда Оқ уй аппарати раҳбари лавозимини эгаллайдиган Республикачилар партияси миллий қўмитаси раиси Райнс Прибэс маълум қилди, дея хабар беради «ТАСС».
«Разведка хизматлари брифинглари деярли ҳар кун ўтказилади. Трампнинг инаугурацияси бўлиб ўтадиган 20 январь яқинлашган сари уларнинг сони янада кўпаяди, деб тахмин қилиш мумкин», — дея таъкидлади сиёсатчи.
Прибэс сайланган президент албатта разведкадан маълумотлар олаётганини билдирди.
«Бу ҳар куни бўлаётганига ишончим комил эмас, бироқ тез-тез бўлиб тургани аниқ. У ўрганаётган одам, ахборот билан қуролланишни истайди. Кўп савол беради ва диққат билан тинглайди», — деб изоҳ берди Прибэс.
Олдинроқ The Washington Post нашри Трампни маъмуриятини шакллантириш билан овора эканлиги ва вақти камлиги учун разведка ходимлари брифингларига кам боришини билдирганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)