Suriyaning Aleppo shahrida sharqiy dahalarni o‘z qo‘li ostida tutib turgan qurolli bosqinchilik guruhlari hukumat armiyasi vakillari bilan taslim bo‘lish shartlari haqida maxfiy muzokaralar olib bormoqda. Bu haqda mamlakat hukumatiga yaqin bo‘lgan “Al-Vatan” gazetasi o‘z manbalariga tayanib xabar berdi, deb yozadi “RIA Novosti”.
Nashr ta’kidlashicha, harbiylar shaharning sharqiy qismida ketma-ket ishonchli g‘alaga erishgach, radikal guruhlar qo‘shinida ziddiyatlar yuzaga kelgan. Jangarilar avvalroq megapolisning o‘z nazoratlari ostidagi tumanlarini o‘z ixtiyori bilan tark etishdan bosh tortgan bo‘lishiga qaramay, ularning ko‘pchiligi hukumat ultimatumini qabul qilishga moyil bo‘lib turibdi.
“Og‘ir judoliklar fonida jangarilar bir-birini ayblamoqda, ba’zilari esa Suriya armiyasi bilan o‘z maqomini qonuniylashtirish va Alepponing sharqiy dahalaridan shahar g‘arbidagi hukumat qo‘shinlari nazorati ostidagi tumanlarga chiqish imkoniyati haqida yashirin tarzda muzokaralar olib bormoqda”, — deb yozadi “Al-Vatan”.
Xabarda aytilishicha, noqonuniy guruhlar qo‘lida 2012-yilda shaharning sharqiy qismiga qilingan hujumda o‘zlari qo‘lga kiritgan maydonning 35 foizdan kamrog‘i qolmoqda.
Izoh (0)