АҚШ ҳарбий-ҳаво кучлари вазири Россияни «биринчи рақамли хавф» деб атади

АҚШ ҳарбий-ҳаво кучлари вазири Дебора Жеймс Россияни мамлакат учун «биринчи рақамли хавф» деб атади. Бу ҳақда у Калифорнияда бўлиб ўтган Рейган номидаги миллий мудофаа форумида айтиб ўтди, деб ёзади «Газета.ru».

«Россия АҚШ учун биринчи рақамли хавф ҳисобланади. Биз кўплаб хавфлар билан иш кўрамиз, аммо Россия ядро нуқтаи назаридан АҚШ учун ҳақиқий хавф туғдириши мумкин», — деди Жеймс.

Таъкидланишича, АҚШнинг бир йўла бир неча юқори мансабли ҳарбий амалдорлари Россия томонидан ҳарбий хавф ўсиб бораётганини кўрмоқда. Шу муносабат билан, Reuters агентлиги қайд этишича, улар маблағларни энг долзарб хавфларга йўналтириш учун, бюджет режаларини қайта кўриб чиқмоқда.