Испания Ла Лигасининг 14-туридан жой олган «Эль-Класико»ни мухлислар орзиқиб кутди. 3 декабрь куни Тошкент вақти билан 20:15 да старт оладиган беллашувга «Камп Ноу» стадиони мезбонлик қилади.
13-турдан кейин «Реал» ҳисобида 33, «Барселона»да 27 очко бор. Мазкур икки жамоа дастлабки икки ўриндан жой олган.
Ортда қолган турлар давомида Мадрид клубини мағлуб этадиган жамоа топилмади. «Вильярреал», «Лас-Пальмас», «Эйбар» клубларигина дуранг ўйнашга эришди.«Барселона» эса аллақачон 2 бор мағлубият қабул қилиб олган. «Алавес» ва «Сельта» клублари каталонияликларни таслим қилишга эришган. «Атлетико», «Малага» ҳамда «Реал Сосьедад» клублари эса «Барса»ни 2 очкодан маҳрум қилишга эришган.Маълумот учун, «Барселона» кетма-кет икки турдан буён рақибларини мағлуб эта олмайди. «Реал» эса қаторасига олти турдан бери зафар қучиб келади.
Изоҳ (0)